Ціханоўская і Аб’яднаны пераходны кабінет дадуць прэс-канферэнцыю ў Варшаве. Будзе жывая відэатрансляцыя ⋅ Plume

Увечары 2 снежня выбраная прэзідэнтка Святлана Ціханоўская і чальцы Аб’яднанага пераходнага кабінету Павел Латушка, Валер Кавалеўскі, Аліна Коўшык, Валерый Сахашчык і Аляксандр Азараў дадуць прэс-канферэнцыю ў варшаўскім «Музеі Вольнай Беларусі». Жывую відэатрансляцыю плануе весці «Белсат». Пачатак а 17-й варшаўскага і а 19-й гадзіне менскага часу.

Падчас трансляцыі можна будзе задаць сваё пытанне ў каментары да стрыму.

Амаль чатыры месяцы таму, 9 жніўня, на канферэнцыі «Новая Беларусь» у Вільні было абвешчана аб стварэнні новай структуры беларускіх дэмакратычных сілаў: Аб’яднанага пераходнага кабінету. Чальцы Кабінету паставілі амбітную мэту: забяспечыць транзітны пераход улады ў рукі народу і скасаванне таталітарнага рэжыму Лукашэнкі. Структура кабінету такая:

Святлана Ціханоўская – кіраўніца Кабінету;
Валер Кавалеўскі – намеснік кіраўніцы і прадстаўнік Кабінету ў замежных справах;
Павел Латушка – намеснік кіраўніцы і прадстаўнік Кабінету ў транзіце ўлады;
Аляксандр Азараў – прадстаўнік Кабінету ў аднаўленні правапарадку;
Валерый Сахашчык – прадстаўнік Кабінету ў абароне і нацыянальнай бяспецы;
Аліна Коўшык – прадстаўніца Кабінету ў справе нацыянальнага адраджэння.

Раней на пасаду прадстаўніцы ў пытаннях эканомікі і фінансаў была прызначаная прадпрымальніца і заснавальніца кампаніі «Laava Tech» Таццяна Зарэцкая, але яна сышла менш як праз два месяцы па прызначэнні – абвесціла, што не вытрымала ціску.

Аналітыка