Прадстаўнік Еўракамісіі Ерун Вілемс распавёў аб новым пакеце дапамогі грамадзянскай супольнасці Беларусі на 100 млн еўра. Пра гэта паведамляе тэлеграм-канал «Позірк».
«Праз некалькі тыдняў будзе аб’яўлены новы пакет падтрымкі беларускай грамадзянскай супольнасці на 100 млн еўра», – сказаў Ерун Вілемс.
Паводле яго слоў, у ЕЗ лічаць важным «інвеставаць у людзей, каб стварыць стабільную грамадзянскую супольнасць», а таксама «падтрымліваць незалежныя СМІ».
«Мы захапляемся вашай устойлівасцю і барацьбой, нягледзячы на рэпрэсіі і памяншэнне прасторы для дзейнасці грамадзянскай супольнасці, працы ў такіх складаных умовах. Беларусы вельмі натхняюць нас. Мы гатовы працягваць падтрымліваць іх стойкасць і супраціў. Падтрымка беларускага народу ў самым цэнтры нашых намаганняў», – дадаў Вілемс.
Паводле яго слоў, беларускім арганізацыям грамадзянскай супольнасці, якія апынуліся за мяжой, важна падтрымліваць кантакт з ініцыятывамі ўнутры краіны, «каб было больш праектаў, якія могуць паўплываць на змяненне сітуацыі». Вілемс мяркуе, што гэта трэба рабіць, нягледзячы на тое, што сувязь у цяперашніх умовах наладжваць цяжка.
Алена Рувіна belsat.eu
The post У Еўракамісіі анансавалі пакет дапамогі грамадзянскай супольнасці Беларусі на 100 млн еўра appeared first on belsat.eu.
#Беларусь
Comments
No comments yet. Be the first to react!