Для беларусаў Беластоку адкрылі «Новую Зямлю»

У Беластоку адкрылася пляцоўка для беларусаў: хаб «Новая Зямля». Мэты праекту – развіццё грамадска-палітычнай актыўнасці, захаванне самаідэнтычнасці беларусаў, а таксама адбудова нармальнага ладу жыцця беларусаў у выгнанні, перадае карэспандэнт «Белсату».

У Беластоку 3 снежня зладзілі адкрыццё хабу «Новая Зямля». Яго стварылі дзеля каворкінгу, творчых і адукацыйных мерапрыемстваў, імпрэзаў, арганізацыі вольнага часу для дзяцей і дарослых і ўсяго, што беларусы палічаць патрэбным на карысць сабе і Бацькаўшчыне.

Місія праекту – развіццё грамадска-палітычнай актыўнасці, захаванне самаідэнтычнасці беларусаў, якія вымушаныя былі пакінуць Беларусь або часова пражываюць у Беластоку, а таксама адбудова нармальнага ладу жыцця беларусаў у выгнанні.

Як сказаў «Белсату» сузаснавальнік прасторы Дзмітрый Антончык, беларусаў Беластоку цяпер чакаюць у хабе з ідэямі праектаў, якія можна зладзіць на пляцоўцы.

«Мы хочам, каб беларусы маглі сустракацца, абмяркоўваць нейкія важныя пытанні, прыдумваць новая ініцыятывы, станавіцца мацней, для таго, каб працаваць на карысць Беларусі. У Беластоку жыве прыблізна 15 тысяч беларусаў, гэта другі пасля Варшавы горад, але ў Беластоку шчыльнасць беларусаў нават вышэй, чым у Варшаве, і гэта адчувальна», – адзначыў Антончык.

Сяргей Крот belsat.eu

The post Для беларусаў Беластоку адкрылі «Новую Зямлю» appeared first on belsat.eu.