Выведка Міністэрства абароны Вялікай Брытаніі паведамляе ў сваёй справаздачы аб тым, што Расея пачала рабіць абарончыя збудаванні на сваёй тэрыторыі. У Белгарадзе ствараюць «атрады самаабароны» і капаюць абарончыя траншэі.
«Расея пачала пашыраць абарончыя пазіцыі ўздоўж мяжы з Украінай і ў глыбіні Белгародскай вобласці», – зазначае ў штодзённым дакладзе брытанская выведка. У ведамстве нагадваюць, што 6 снежня белгародскі губернатар паведаміў аб стварэнні ў рэгіёне «атрадаў самаабароны».
«Імаверна, расейскія ўлады гэтым будаўніцтвам абарончых збудаванняў на сваёй тэрыторыі спрабуюць распальваць патрыятычныя пачуцці. Гэта, напэўна, паказнік шчырай (але хлуслівай) перакананасці некаторых кіраўнікоў у тым, што існуе рэальная пагроза ўварвання ўкраінскіх сілаў на тэрыторыю Расеі», – гаворыцца ў справаздачы брытанскіх выведнікаў.
Latest Defence Intelligence update on the situation in Ukraine – 07 December 2022
Find out more about the UK government’s response: https://t.co/9mTBxnDJgn
🇺🇦 #StandWithUkraine 🇺🇦 pic.twitter.com/yZiVwexzFV
— Ministry of Defence 🇬🇧 (@DefenceHQ) December 7, 2022
Паведамленні пра тое, што ў Белгарадзе рыюць абарончыя траншэі, сталі з’яўляцца яшчэ ў красавіку 2022 года. Але, як мяркуюць у Мінабароне Вялікай Брытаніі, збудаванні, якія ўсталёўваюцца на мяжы з Украінай у снежні, «уяўляюць з сябе больш складаныя сістэмы, прызначаныя для адбіцця механізаванага нападу».
Зміцер Міраш belsat.eu
The post Брытанская выведка: Расейцы рыюць абарончыя траншэі ў Белгарадзе, каб «распаліць патрыятызм» appeared first on belsat.eu.
#Беларусь
Comments
No comments yet. Be the first to react!