Беспілотнік атакаваў аэрадром у Курскай вобласці Расеі. Пра гэта паведаміў у тэлеграм-канале губернатар вобласці Раман Старавойт.
«У выніку атакі беспілотніка ў раёне курскага аэрадрому загарэўся нафтаназапашвальнік. Пацярпелых няма. Пажар лакалізуецца. Усе спецслужбы працуюць на месцы», – напісаў у сваім тэлеграм-канале губернатар Курскай вобласці Раман Старавойт.
Паводле «РИА Новости», аэрапорт Курску не прымае і не адпраўляе грамадзянскіх самалётаў з 24 лютага: там, як і яшчэ ў дзесяці аэрапортах поўдня і цэнтру Расеі, дзеіць рэжым абмежавання палётаў.
Між тым відавочцы паведамляюць, што атака беспілотніка справакавала маштабнае ўзгаранне. Агонь з аэрадрому бачаць жыхары некалькіх раёнаў гораду.
Курск! Горит аэродром. Ударный дрон разнес нефтебазу и рядом стоящие самолеты.
А че, а кто, а я не знаю! pic.twitter.com/SFUZGjNd7Q
— Диалог.UA (@Dialog_UA) December 6, 2022
Паводле UNIAN, атакаваны аэрадром, з якога вайсковыя самалёты раней атакавалі Украіну.
Раней паведамлялі, што раніцаю 5 снежня невядомы дрон упаў на тэрыторыі аэрадрому Энгельс у Саратаўскай вобласці Расеі. У выніку выбуху дзве асобы пацярпелі і былі шпіталізаваныя. Два ваенныя самалёты атрымалі пашкоджанні. У той жа дзень паведамлялі пра падобнае здарэнне на аэрадроме каля Разані.
Антон Тачняк belsat.eu
The post Беспілотнік атакаваў аэрадром у Курску appeared first on belsat.eu.
#Беларусь
Comments
No comments yet. Be the first to react!