Адвакаты Калеснікавай, Ціханоўскага і Бабарыкі не прайшлі атэстацыі і могуць страціць ліцэнзіі

Абаронцы інтарэсаў вядомых палітвязняў, адвакаты Уладзімір Пыльчанка і Віктар Мацкевіч не атэставаныя, іх могуць пазбавіць ліцэнзіі на прафесійную дзейнасць. Аб гэтым паведамляе праект «Право на защиту».

1 снежня адвакаты Уладзімір Пыльчанка і Віктар Мацкевіч былі выкліканыя на пазачарговую атэстацыю, і кваліфікацыйная камісія Міністэрства юстыцыі іх не атэставала.

Уладзімір Пыльчанка ёсць адвакатам Марыі Калеснікавай, Эдуарда Бабарыкі, Ірыны Слаўнікавай, Кацярыны Бахвалавай, Лявона Халатрана і іншых. У сваю чаргу, Віктар Мацкевіч ёсць адвакатам Сяргея Ціханоўскага, Ігара Аліневіча, Акіхіры Гаеўскага-Ханады, Яўгена Юшкевіча, Віктара Бабарыкі і Алеся Бяляцкага.

У Беларусі распаўсюдзілася практыка, калі звязаныя з палітычнымі справамі адвакаты не праходзяць атэстацыі. Некаторых з іх пасля пазбаўляюць ліцэнзіі.

Антон Тачняк belsat.eu

The post Адвакаты Калеснікавай, Ціханоўскага і Бабарыкі не прайшлі атэстацыі і могуць страціць ліцэнзіі appeared first on belsat.eu.